天下無不散之筵席

萬般捨不得，千言萬語盡在不言中，百般滋味在心頭。

實在感恩，神的恩典夠我用，上帝的安排永遠是最好的。感謝神，求上帝保守我可以繼續貢獻社會，保持一個為人服務的心態。

Offer

終於有offer啦。呢排諗左好多野，唔知做工程定IO好。真係好感恩，一路喺公司既際遇好順風順水，所有野都係最好既，呢啲野都係神賜俾我既。

多年泥既夢想入政府，考左咁多關。我決定要試一試，我唔試唔心息，第時實後悔。Dan講得啱，咪做兩年睇下啱唔啱自己，覺得唔啱咪做番工程囉。決定左就勇往直前，盡自己力，其餘就交俾神。真係，唔駛咁焦慮，因我有上帝！感謝神！

最近心情好複雜呀。千辛萬苦考既入境處仲未有消息，一有電話就心跳加速，雖然我睇到個來電顯示知唔係。希望快啲知啦。
膝頭仲係間唔中痛，宜家決定休息一段時間，希望快哈好番再跑番步。
最近啲關係麻嘛地，唉。

入境

最近又發生好多事。入境處上個禮拜左右開始call人做employment reference。一直都冇打俾我。每次有啲不知名既電話打黎我就好緊張。好擔心，又好期望收到call，等到都好無奈。

前日都諗住平常心，又唔係打定輸數，應該係諗通左。無論我做咩工，我都應該盡全力做好，上帝安排我喺咩崗位我都願意接受，因為雖然自己可能唔想，上帝既安排係最好既。

琴日兩點幾收到電話，又冇之前咁緊張，但都心情激動。雖然好多事都未確定，膝頭傷又未好哂，但我都唔理咁多，做好自己，上帝會幫我安排。

呢兩個禮拜體會左好多野，做人要有耐性，凡事唔可以操之過急，要有信心。睇論壇真係人生百態，有人好樂觀，有人好悲觀。梁啟超先生講既 “苦樂不在乎客觀的事，只在乎主觀的心“。係架，有好多時開心係一個選擇多過係一個感覺。

失去了你，贏得世界又如何

諗起好多野，自己罪孽深重。求神幫助我戰勝惡魔